قارعة ملتقى شعراء بني مالك ١٧ / ١١ / ١٤٣٥ - غرم الله الغفيري - عادل بن سلمان - ماجد بن فلاح - سالم بن معيش

قارعة ملتقى شعراء بني مالك :

الخميس ١٧ / ١١ / ١٤٣٥ 

بيناً كلا من 

١- غرم الله بن صالح 

٢- عادل بن سلمان 

٣- سالم بن معيش 

٤- ماجد بن فلاح 

- البدع: غرم  الله الغفيري@ 

حي شاعر ينتج ابيات الحكم من هلج بال

وهو  ما يتجاهل الونعم ولا ينس الدنيس

يا عادل علم لنا بالصدق وش تعشق وتهوي

ودنا لا ديرة احبابك وهيا اصل بها

الرد : عادل بن سلمان# 

عشت ياللي نعتبرك اكبر جبل من هالجبال

انته اكبر من شدا اللي فيته من سد نيس

وانته اقسى مالبلس والصايرة وجبال تهوي

والبروق امست تلاوعها وهي ياصلبها

البدع/ ماجد فلاح€ 

الامور امعقّده والله وكيل الاحتلال. 

وانا لاحاظيت لي نمراً ولاحظّيت عيس. 

عارفاً قدر المطر من قبل ذاك النو ينوي. 

لكن الديره مطرها في وداع إشعابها.

الرد/ ابو شنيف£ 

يا فلسطين اصبري يمكن يزول الاحتلال

كم لي ادعي لك و لكن في الدعا حظي تعيس

كم لبو مازن يحاول يبني الدوله و ينوي

و المصيبه سوريا ذلحين داعش عابها

البدع/ عادل بن سلمان#

السيول تكالبت يوم انت تتورى سمال

معرفك عند الصحن تملاه وتسوق الخميس

والحقيقة كملي ارجيكم ولا فيكم رجاوي. 

رب روحك قبل تبلش بالمتايه ربها. 

الرد/ غرم الله @

اندر في سوق التجر لو كان عندك راس مال

البورصه ماهي تجارة جلب في سوق الخميس 

والا سارق يسترق له ستّ مِيه من كمر جاوي

وان لقي له خلتاً يعرف متى يهرب بها

 

البدع/ ماجد€ 

البلاجيك اشتريناها لاجل مضرب مثال. 

وانت من جهلك تمنّى لو يجي للبنّ مديس.

الف مرّه قلت لك زاعم على شيءْ اْلّه قاوي.

وانا لاسيّرت بدروب العُلا ماانشب بها.

الرد: سالم£ 

يا قريش انتم و حنّا للكرم مضرب مثال

وين مثل الشيخ بن زعبان و الا بن مديس. 

دون قاصر في القبايل كلّنا فوق الهقاوي.  

و المشاكل لا هياها تحرق اللي شبّها. 

البدع : عادل# 

مانت حول المجد لكن لو بيتهيا تعال

لاتقول لعل واخرها تختمها بليس

 عندنا للبن حمسه كايفه وهوند عاوي

ودلالا" تلتقيك بريحها وبشربها

الرد : غرم الله@

لو معك صمله وتقوى للفتن هيا تعال

لكن اقصر وهمتك قدام يضحك لك بليس

ما تخلص يا  قليل المعرفه ف اهون دعاوي

جيتنا تبحث لسكين الفنا وابشر بها

البدع/ ماجد€

اهل مصر اكبر عجب في وقت راح ووقت تال. 

كم لنا نشبح في الشاشات وانخيل السويس. 

مات ميتهم وانا من كُثر صيحات العزاء آوي. 

مابكف اخوهم اشيَاء للعِداء يدحر بها.

الرد/ سالم£

الله يستر لا يجي ذا الليل طلبه و اقتتال

في عصاة اهل الفتن يا بو سعد بان السويس

انج نفسك و ابتعد يا صاحبي خل العزاوي

قبلك ابواب الفتن قامت عدايد حربها

البدع / عادل#

نحمد الله في ديرنا ماربينا الا حلال

ومقاري النحل نقطع من شهدها والجليس

وانت رابي فالمدن وانا بعد فالبر شاوي

لاتدخل في خصوصياتنا مالك بها

الرد/ غرم الله@

نحمد الله في تجارتنا ما اكلنا الا حلال

انا الى جالست شروى ابو سعد نعم الجليس

لا تحاول تلفت الجمهور لك يابو الرشاوي

وش كسبت من الرشاوي لا اختلط مالك بها

البدع/ ماجد€

ياغلام المسرح إتسمّع في اغلام المَقال. 

المقال اللي كُتب عن قيس لمّا مات قيس. 

وان هداك الله تسمع للملحّن والحداوي. 

تحسب انك منتبه وانخنت في قوم أنبهى. 

الرد/ سالم£

قدر بعض الناس عندي غالي اغلا مالمقال

و البعض تبدي علومه واضحه لمّا تقيس

لو بنى صِيته و شارك في قناوات الحداوي

ما معه حِجّه يحاول ينصفه قوماً بها 

البدع /  عادل# 

انت ماجيت الطريق اللي مشيته بالرجال

بعد ماسيجيت وحدي جالت البر النفيس

وانت ياقلبي تغطيك الشجاعة منت خاوي

مابتندر من دروبا" مامعك مندر بها

الرد / غرم الله@

انا لي نظره وعارف ويش وهمات الرجال

بعضم مثل النحاس وبعضهم درا" نفيس

وان عزمت ع السفر ياعادل اعرف من تخاوي

صوف عن درب الرخوم ولا تجي من دربها

البدع/ ماجد€ 

القطن والصوف نسجتها تِندّر بالزوال. 

وانت ماشدّيت زوليّةْ رفيقك بالحليس. 

ناتمنّى والعرايف قالوا اسهوا مالمناوي. 

إنشد المتهوم ياعلّ القضيّه قرْ بها.

الرد / سالم£

جاك شاعر عند بدع القاف ما يخشى الزوال

اعني الشاعر سعد من روس دعوى بالحليس

عنده ابيات المعاني كنّها اسهوم المناوي

و أكثر* الآآهداف ميّز بعدها من قربها

البدع / عادل#

الجرايم سايرا" مفعولها والشرع طال

كان لك قدره تريس مثل خلق الله فريس

وان حداك الوقت وتوهقت في بعض المداوي

مامعك غير اليدين اكتبها واشطب بها 

الرد / غرم الله@

يا خبيثين النوايا جالكم مالشر عطال

بعد الصحه قوتكم خارت من الشر الفريس

ابتلاك الله بعله ما يداويها المداوي

والله اخفى علتك ما يندرى وش طبها

البدع/ ماجد€

أبصر العينه وسيدي يدعي العينه خيال. 

كلّها عندي سوا،والحظ ماهو بالنحيس. 

والغيوم ايلا اكرم الخلّاق تغدق بالعطاوي. 

ارفع ايدك واغتنم لا يزري المنكبّ بها.

الرد: سالم£

لاهيا و القاك جمب البيت و اذبح لك خيال

لا تعاندي و نقعد في عزيمتنا نحيس

ما انت ذاك الشاعر اللي يزهمونه يالعطاوي

اقلط ان ناسبْك كبد الشاه و الا كبّها. 

البدع: عادل#

في فوادك حقد اظنه زاد عن حقد الجمال

يدك لاتقرب يدي ولا تلمسها لميس

واللي مثلك باقي نشبه ونلويله بلاوي

حتى تتنثر صبره ونطعمه من حبها

الرد: غرم الله@

علموني في بلاد الترك وش هذ الجمال

قبل خمس اعوام ضيعنا جمالك يالميس

واكثر العربان جتله بالمشاكل والبلاوي

ومهند من يلومه لو قتل من حبها.